Kaweruh Jendra
Hayuningrat
Paguyuban
Puri Asih
Oleh Budi Siswanto
Ø
(musik gending Jawa no 1)
Timbalan Mangabekti Oleh MC I (nounsent) (Bagus Kuncoro) : Rahayu...... para sederek nunggil guru, nunggil kawruh, nunggil
nusa lan nunggil bangsa..... Kuwula Bagus Kuncoro ngaturaken Sugeng dalu,
sugeng rawuh soho sugeng pepanggihan malih, ing perayaan ari-adi nanggal
sepisan sasi Suro, warsa Ehe , windu Sangara. Sedaya punika mratandani, bilih sak
mangke kita sampun lumebet ing Warsa enggal. Sumangga kita sesarengan anglampahi
gesang rukun lan guyup anggenipun pados dalan sandang lan pandhang. Kanthi
sujud syukur, ngabekti soho manembah sesarengan ing ngarsane sang Pangengeran.
Sak-derengipun tata adiacara kalajengaken, perlu kuwula tepangaken jejeripun para
siswa utomo utawi siswa inti, lan para punggawa Jendra lan Puri Asih engkang
kapitadosan medar kaweruhipun Eyang.
Engkang
kawula sebat asmanipun katuran jumeneng.
1. Wakil
Pinisepuh I : Hari Supriyanto
2. Wakil
Pinisepuh II : Nasib Mulyono.
3. Pinisepuhipun
Puri Kepatihan : Agus Rohkyanto.
4. Pinisepuhipun
Puri Khayangan : Saiful Efendi.
5. Punggawa Jendra
: Budi Hartono, Dodik Dwi Cahyono.
6. Punggawa
Puri Asih : Bagus Wijaya, Iwan
Sugiarista, Ogies Sadminto, Ritzky Hariyanto, Adi Purnomo, Benny Chandra.
Mekaten para
rawuh.... priyayi-priyayi Kaweruh Jendra Hayuningrat ingkang kaimpun ing
Paguyuban Puri Asih.
Tata adicara
candak-ipun kula aturaken dumateng sinuwun bopo Ogies Sadminto, wekdal kula
aturaken....Nuwun!!.
Ø (Musik Gending Jawa no 2)
(minangka simbol,
MC I ijolan tata manembah karo MC II)
MC II : Sugeng
Dalu. Para rawuh sumangga sesarengan kita sami seba ing
nanggal sepisan, sasi Sura warsa : Ehe windu : Sangara, kanthi ngaturaken
pisungsung syukur kita, ingkang sampun kita pethingaken setahun lawasipun. Pethingan
punika kapendet saking sedaya asil tetanen, mayanganipun para nelayan tuwin
upakarya ngasta pendamelan sak-anane, soho dipun sandingi kaliyan ubo rampe sak
pepak’e kagem sang Kala.
Wakil Pinisepuh I : Sedaya sesaji tuwin ubo-ampe punika,
kacawisaken minangka wujud pandonga kita para titah, pandonga ingkang dipun
simbolaken mawi sesaji kados toh ; gecok mentah, gecok bakal lan gecok dadi. Kang
cacahipun sapiturut kaliyan panyuwunanipun neptu dinten nanggal sepisan sasi
suro, ing warsa sak-mangke dhawah wonten ing neptu wolulas (18).
Wakil Pinisepuh II : Neptu wolulas kadosdene tironipun bayi,
bocah anggadahi watek soho sipat ingkang benten kaliyan bocah-bocah sanesipun,
mekaten saugi kaliyan watekipun warsa, neptu wolulas tegesipun, lintange :
Lintang sembulah, artosipun tiyang mayang angambah bumi (minggir/nyisir utawi
berlabuh dlm bhs Ind), warnane kuning, cahyane semu ijo. Ing tahun iki bumi
murah pangan, yen srengenan enggal asih, yen dongkol atine enggal kalipur. Okeh
dhahulate lan sugih emas salaka, ning okeh wong kang boros marang duwit,
pramila pinisepuh paring dhawuh katuran langkung gemi dateng arto.
Wakil Pinisepuh II : Okeh wong kang munggah derajat, ananging yen
sembrana lan orah ngastiti, derajade panggah malah-malah lereh saka pangkate. Senadyan asring di alem dining wong liyan, ananing marang bendra utawa
juraganipun asring dipun paido, mila sadaya sami sabar lan langkung nrima
tumrap peparing punapa kemawon ingkang bade katrima.
MC II : Ing dalu punika pinisepuh Puri Kepatihan tuwin Puri Khayangan ateges
puri bina’anipun Puri Asih, bade Caos sesaji Gecok mentah. tegesipun :
wong urip kuwi kudu bisa sak lugune utawa njunjung kajujuran anggone nglakoni
urip. Wani netepi janji senajan rugi. Yen pinaringan mileh, mileho kang paling
angel. Yen pinaringan gampang ora nggampangake, yen pinaringan penak ora sak
pena’e, yen pinaringan seneng ora seneng-seneng.
Ø (musik
Gending Jawa no3)
MC II :
Sumangga dumateng para siswanipun Puri Kepatihan lan Puri Khayangan ka’aturan
ngguyupi soho ndere’aken lampahipun pinisepuh ingkang bade ngaturaken sesaji.
Pinisepuh
Puri Kepatihan dalasan para siswanipun : Ngaturaken sesaji Tumpeng Robyong
ulam pethentheng lajeng pinarak ing sisih tengenipun sesaji.
MC II
: 1. Sekul pulen pethak awujud
gunungan, ngelambangaken asta kekalih ingkang dipun tampukaken kados-dene
patrapipun priyayi ingkang asemedi. Sekul pethak ugi nglambang-aken kasucian,
awit sedaya tedoan ingkang dipun padhang dining brayat lan putra-wayah bade
ngasilaken daging lan getih ing wadag kita sedaya. Supados kalis saking sedaya
kasisahan, sakit-penyakit lan karisakan, prayoginipun kita asesuci tumrap
sedaya banda-brana kita saking sedaya kasulayan.
2.
Ayam pethentheng : Inggih punika ayam jago ingkang dipun masak utuh lan dipun
sunduk sujen. Ulam belehan punika mratandani bilih sejatosipun siswa Jendra
punika prayoginipun nyampurnaaken sedaya sipat-sipat awon ingkang dipun
lambangaken kaliyan ayam jago punika. Antaranipun sipat sombong, congkak, bilih
wicaturan tansah nyela-nyelo, tur kemeruh (kluruk), menang-menangan lan
rumongso pinter ning ora pinter anggene ngrumangsani.
Pinisepuh
Puri Khayangan : Ngaturaken sesaji Sego gurih ulam kemingkung
MC II :
1. Sekul Gurih : Sekul pulen kang dipun krawu kaliyan santen lan dibumbu sereh,
sesaji punika nglambangaken priyayi ingkang nge ”reh” rasa utawi ngendaleken
rasa.
2. Ayam Kemingkung : Inggih punika ayam jago
ingkang dipun masak utuh lan dipun paringi kaldu santen kanil, punika
nglambangaken priyayi ingkang manengkung manembah kanthi khusuk.
Wakil
Pinisepuh lan Para Punggawa Jendra : (sesaji gecuk bakal, pala pedhem, pala
kasimpar lan pala gumantung, obo-rampen jamasan, sekar lan sesanti lambang kelahiran/jenang
panca warna, jenang sengkala, dadap srep, mawar sak gagang) lajeng
pinarak ing sisih kiwanipun sesaji
MC II : Dene
gecok bakal tegese, wong urip kuwi kudu eling tumrab kawitane, bebakale utawa
asal-usul uripe. Murih ora sombong, ora adhigang, adhigung lan adhiguna. Tansah
lembah-manah soho bowolaksono. Saugo kena kanggo pangeling-eling, dene ing
jaman tebeh mangke inggi manungsa bakal mati.
Ketua Paguyuban
Puri Asih dalasan para Emban, Juru
Bethak/Masak : (sesaji, jenang suran, Klepon Ayu, jajan pasaran, lsp) lajeng
pinarak ing sisih kiwa-tengenipun sesaji
MC II :
Lah menawi gecok dadi tegesipun : mengku karep, wong urip kuwi kudu bisa dadi
manungsa kang anggadahi laku becik lan laku utama.
Punggawa
Jendra (Budi Hartono) tuwin Ketua
Puri Asih (Bagus Wijaya) : Andum ganda arum sak sodo marang kabbeh tamu lan
telong sodo marang pinisepuh Puri bina’an soho wakile.
MC
II : Sahrenipun sedaya sesaji tuwin
ubo-rampen sampun cumawis, sumangga kita sidhem lan nyawisaken manah, saperlu
masrahaken ubo-rampe kanthi maos mantranipun ngobong dupa.
MC
II & Para Rawuh : Niyat ingsun ngonbong dupa
gendhaga kencana wadhahe dupa kathon gelap-puteh kukuse dupa, njeliring kuning
urupe dupa, karenges, arenge dupa. Dupa kawula kuthuk-kuthukaken dumateng
sinuwun Eyang Wongsodjono, dumateng ruwahe 1. ......., 2. ........., 3.
........, 4. ....... (bintek-bintek dipun isi kaliyan asmanipun para
leluhuripun ingkang ngobong ganda arum)
Punggawa
Jendra (Budi Hartono) & Ketua Puri Asih (Bagus Wijaya)
mideraken bokor dupa
MC & Para Rawuh : “Niyat ingsun
ngukup madahi Jayaning Ratu, Winadahan Cupu Kencana Mulya, Adam sumingkir Eyang
Wongsojono rawuh, Kanjeng Gusti Kang Murbeng Dumadi wis ana kene” *Tabuh
genta 1x (mantra lan genta
diambali kaping 3, diparingi jedah sa’antawis wekdal, amargi ngrawuhaken guru
ingkang nyawiji)
Pinisepuh : (Dhawuh) “Apa kang
dadi sesambatanmu ngger?”
Ø Di iringi musik “Piluhnya Nasib Umat”
Piwulang I (Bagus Wijaya) : Biyung Pertiwi nangis, iluhe
mawujud lumpur endhut kang agawe giris. Biyung Pertiwi nesu, watuk’e mawujud
lindhu, agawe kabeh wong pada keplayu.
Hadirin lan kabeh siswa : Bumi yuswane wis tuwa, jare para sarjono
lan wicaksana kiyamat wis arep teka.
Piwulang II (Ogies Sadminto) : Ora, ora kaya mangkono.
Sejatine kabeh kuwi mau bebendu.
Hadirin lan kabeh siswa : Bebendu?......bebendu kanggo sapa?
Piwulang II (Ogies Sadminto) : Bendu kanggo pribadi kang tansah milik lan
nggendong lali. Kang njupuk nanging dudu kagungane, kang ngunduh dudu
tandurane, kang adol dudu dagangane, kang ngrusak tanpo nganggo ati.
Piwulang III (Iwan Sugiarista) : Biyung Pertiwi sambat, gumuk’e warata,
gununge gundhul, alase dha dibabat. Biyung
Pertiwi gerah, wutahane banjir bandhang kang nggegirisi kadio samudra.
Ø Musik : Natural sound ¼ suara
Piwulang III : Kamangka......, alas kang subur kuwi
minangka pager...
Piwulang I, II, III, Hadirin lan
kabeh siswa: Pager ring
bumi, murih alam tetep lestari. (tabuh genta kaping telu)
Ø (Musik Natural sound ½ suara)
MC II : Sumonggo kita sidem, satemah pinisepuh bade masrahaken ubo-rampe
(Tabuh genta sepisan)
Pinisepuh : (Dhawuh)
MC II : Wonten salah setunggiling pribadi
ingkang asumyak mangayubagyo, lumantar kanugrahan tampi Wejangan minangka resmi
dados siswanipun Kaweruh Jendra Hayuningrat.
(MC liron Tata Manembah Wejangan) ~Hening
tanpa musik~
Ø Sound mantra AOM (Audio CD dan
hadirin / audien) 1/2 suara.
Punggawa I, II, III : Kawula sambat lan mratobat dhumateng
Paduka duh Gusti kang murbeng dumadi.
Punggawa I : Punapa ta? ingkang andadosaken
kawula sami nandang cecongkrahan, amitenah, nyebar sesengit dumateng para
sesami kawula.
Punggawa II : Ingkang sejatosipun, kita sedaya sami mboten
mangertosi tumrab punapa kemawon ingkang sampun katindakaken dining kita
sedaya.
Punggawa II : Duh Gusti kawula, ......ingkang
Nitahaken langit kaliyan bumi. Kersaho
Paduka paring pangapunten dumateng kawula lan sesami-kawula.
Wakil
Pinisepuh : Sumangga
kita sidhem
Ø
Musik instroment Do’aku
Renungan / Lelimbang : (Narasi di baca oleh MC, ada di
halaman tersendiri)
Punggawa & Hadirin : Kawula mertobat.......(3x), mertobat saking sedaya dosa lan kalepatan
kawula, kalepatan ingkang kawula seja punapa dene ingkang mboten kawula seja.
Leladi Kembul Bujana : Oleh Pinisepuh (Dhawuh) Khusus
ingkang wejangan miturut neptu tironipun
Ø Gending jawa no 7 Lir-iler (iringan gending Lir-iler ngantos bibaripun
pisungsung kaideraken)
Pisungsung :
Punggawa Puri Asih (Ritzky Hariyanto) : Sumonggo Para
sederek, para rawuh lan para siswa sedaya ingkang kinasih. Kita sesarengan
ngempalaken sedekah sak-derma-nipun, ingkang sampu kapethingaken saking bale
griya. Minangka wujud kabingahan kita dumateng gusti ingkang murbeng dumadi,
supados kita pinaringan bagas kawarasan, kalis saking sambikala, yuswa widodo
murih saget pepangihan malih ing warsa enggal sakpengajeng.
Jamasan (Tabuh genta kaping 3)
MC II : Jamasan punika dipun lajengaken
kalian berkah suran
Kaping pisan
: Punggawa nyawisaken sekar sritaman lan
sedaya ubo-rampe jamasan.
Kaping pindo
: Pinisepuh Jengkar keprabon tumuju bilik jamasan
Kaping
tiga : Jamasan dipun wiwiti dining Siswa
Utama, Punggawa, Emban, Tamu, Hadirin.
(
Pinisepuh Jengkar Keprabon)
Pungkasan / Penutup
MC II : Mekaten para rawuh, tata adicara
selamat suran ingkang saget kawula aturaken, sedayah berkah sasi suran sampun
tumrah dumateng kita sedaya, supados para rawuh tansah kamomongan dining guru
bathin, korinipun PURI ASIH tansah tinarbuka kagem kita sedaya.Ing saben-saben dinten
Juma’at manis malem Setu pahing, Puri Asih ngawontenaken Kembul Bujana saugi
kagem umun (dhahar klepon ayu), minangka mratobat kita. Supados kita kalis
saking sambikala, pangawak-dursila, sakit penyakit lan kemlaratan. Matur nuwun
panjenengan kersa rawuh lan seba ing mriki, nyuwun agung ing samudra
pangagsami, Puri Asih ngaturaken “SUGENG WARSA ENGGAL” Gusti tansah
binerkahan.......Rahayu!
Ø Keterangan
:
Pinisepuh
: Budi Siswanto
Genta
dan penata tempo : Arohman Arohim
Tehnisi
dan Operator : Dodiek Dwi Cahyono
Sugeng
Warsa Enggal
Salam
_()_ Rahayu
Paguyuban Puri Asih
Acara
Rutin : Pertobatan / Kembul Bujana (Makan Klepon Ayu)
Setiap
Hari Juma’at Legi malam Sabtu Pahing jam 19:30 wib
Di
Jln Letjen Panjahitan XII no 49 Jember HP : 085204221242
